You Are Here: Home » Whats New » WAISHUKURU SERIKALI KWA KUFIKA MSOMERA

WAISHUKURU SERIKALI KWA KUFIKA MSOMERA

WAISHUKURU SERIKALI KWA KUFIKA  MSOMERA

Mkuu wa Kimila wa kabila la Maasai walilokuwa wakiishi katika Hifadhi ya Ngorogoro, Laigwanani Matigoi Tauwo amemshukuru Mungu kwa kumuongoza Rais wa Jamuhuri ya Muungano wa Tanzania Mhe. Samia Suluhu Hassan kwa maono yake ya kuwapatia Makazi Bora katika Kijiji Cha Msomera kilichopo Wilaya ya Handeni Tanga.

Akishukuru kwa niaba ya wananchi wenzake wa Ngorogoro ambao wameamua kuhama kwa hiyari yao, Laigwanani Tauwo amesema sasa maisha yao yatakuwa ya amani zaidi na yenye maendeleo kuliko huko nyuma kwa kuwa Serikali imewapatia Nyumba, Ardhi kwa ajili ya Killimo na Ufugaji, pia huduma bora za kijamii kama elimu na afya.

“Namshukuru sana Mungu kwa kutupa Rais Mama Samia, leo sisi tunamiliki nyumba jamani, kweli Mungu mkubwa sana, tunaahidi tutaishi vizuri sana na ndugu zetu wa hapa msomera” amesema Laigwanani Tauwo.

Katika zoezi la kuwapokea wananchi hao walioamua kuhamia Kijiji Cha Msomera ili kupisha shughuli za uhifadhi Ngorongoro, Waziri wa Maliasili na Utalii Mhe. Balozi Dkt. Pindi Chana amewakabidhi wananchi hao hati za Ardhi zilizotolewa na Wizara ya Ardhi, Nyumba na Maendeleo ya Makazi.

© 2022 - Ministry of Natural Resources and Tourism Tanzania

Scroll To Top